Улаанбаатар хотын утаа өмнөх хэдэн өдрүүдэд харьцангуй үзүүлэлт багатай байжээ. Харин 2017 оны 01 сарын 03 өдөр буюу өнөөдрийн хувьд Улаанбаатар хотын бүхий л хэсэгт утааны бохирдол маш их, харьцангуй их, өндөр үзүүлэлттэй гэсэн заалттай байгааг агаарын бохирдлыг хэмжих нэгжээс гаргажээ. Тухайлбал хамгийн их бохирдолтой хэсэг нь МҮОНРТ-ийн орчим байна. Тэнд агаарын чанарын үзүүлэлт 1088 гэсэн хэмжүүртэй байгаа юм. Энэ нь агаарын чанар маш их бохирдолтой гэсэн үг.