Ардчиллын алтан хараацай Л.Болд Ардын намын “цагаан хоолой” болчих ч гэж...

Asuudal.mn
2019-05-09 14:16:48

Ардчиллын алтан хараацай Л.Болд Ардын намын “цагаан хоолой” болчих ч гэж...

Ингэхэд, ардчиллын алтан партизан, Ардчилсан намын лидер Л.Болдыг Ардын намын "цагаан хоолой" болчихсон зарлагч хийж явна чинээнд хэн саналаа. Юм ийм айхтар аж.

Нэрт эрдэмтэн, соён гэгээрүүлэгч, Шинжлэх ухааны доктор, профессор Сономын Лувсанвандангийн хүү түүнийг яах аргагүй элит гэр бүлээс гаралтай гэж тодотгодог. С.Лувсанвандангийн нэрэмжит Гоо зүйн дээд шагналыг тэр жилийнхээ онцлох хүнд олгож ирсэн. Монголын их утга зохиолын хамгийн уянгалаг эрдэмтний үргэлжлэл гээд бодоход Л.Болдын хувь хүний ертөнц бол ховорхон тохиол юм. Монголд дэлгэрсэн ардчилсан хувьсгалыг гардаж явсан хүн гэсэндээ хүний эрх, эрх чөлөөний мэдрэмжтэй, хүний эрхийн асуудлаар чуулган дээр дуугарчихдаг цөөхөн гишүүний нэг нь гэж улс төр сонирхогчид түүнийг үнэлж байлаа. Дөрвөн удаа хууль тогтоох дээд байгууллагад гишүүнээр сонгогдож, хоёронтоо монгол төрийн сайдын албанд зүтгэсэн тэрбээр улстөрчдийн хувьд ёстой нөгөө “аядуу зөөлөн” нь байв даа. Л.Болд гишүүн юу яалаа, жагслаа, тэмцлээ, урлаа, тасадлаа гэж дуулдаагүй дэг. Гэтэл одоо...

Өөрийнхөө байгуулсан “Голомт” банкийг бусдадаа булаалгасан гэх үеэс л улс төр, бизнесийн хувьд ганцаар явдаг болсон. Ганцын зовлон их юм гэж цоо шинэ намд ханьсаад байгаа С.Жавхлан нь ярина лээ. Нээрэн ч тэр үү, ганцаарчилсан тоглолт нь яван явсаар Ардчилсан намыг хагарсан шил шиг тарж бутрахад хүргэчихлээ. “Л.Болд гишүүн намаа хаясан. Үгүй. АН нь шахсан. Үгүй, Л.Болд л урваад явсан” гэдэг ийм яриа үлдэж, ардчиллын алтан хараацай гишүүн маань Ж.Батзандан, С.Жавхлан хоёртой нэг уяанд очоод орчих юм. Хайран чиг ардчилагч. Хайран чиг эрэмбэ.

Монголын түүхэнд хар толбо үлдээсэн долдугаар сарын 1-ний хэргийг өдөөж, ард түмнийг турхирсан хэргээр “ганцад” орж явсан Ж.Батзандантай барилдлагатай болчих ч гэж. Ордны хашаа руу морьтой цогиж орж, 21 оны хувьсгалыг санагдтал хувьсгалжиж, хөдөөжиж давхисан С.Жавхлан гишүүнтэй ижий ахай болтлоо л Л.Болд дордоо юу гэмээр зураг харагдах аж. Ж.Батзандан, С.Жавхлан, Х.Нямбаатар, Л.Оюун-Эрдэнэ, Т.Аюурсайхан гэсэн хэдэн хүүхдүүдтэй гүйлдэж, парламентын засаглалыг хазайлгах дөхсөн гэхээр юу ч гэхэв. Монголд хөгжиж яваа парламентын засаглалын үндэс хөрсийг өөрөө бүтээлцсэн байтлаа, даанч яав.  

Тагнуулын дарга асан Б.Хурцыг Элчин сайдаар томилох тухай асуудал байнгын хорооны хурлаар ороход нэгэн нууц яриа дэлгэгдэж, Л.Болд гишүүнийг ноцоочихсон. “Л.Болд гишүүн Батлан хамгаалахын сайдаар ажиллаж байхад хоёр гурван асуудалд орсон. Хойд Солонгост зэвсэг зарах гээд 300 мянган доллар авсан. Танаас болж хоёр хүн Хойд Солонгост цаазлуулсан. Танаас болж Батлан хамгаалах яамны генерал ял авсан. Молекул гэж найзынх нь хүүхдүүд асуудалд орсон. Та шударга хүн мөн үү. Би цааш нь ярих уу, яах уу” гэснээс хойш л Л.Болд гишүүн тал талын нээнтэгт ороод явчихсан. Мөн Л.Болд гишүүн Хөгжлийн банкнаас 30 тэрбум төгрөгийг өөрийн “Богд” банкныхаа харилцах дансанд хүү төлөлгүй авсан байна гэж Их хурлын гишүүн мэдэгдсэн. Энэ өвөлжин Засгийн газрыг хамгаалаад, жагсаал хийсэн нь цаанаа ийм учиртай гэж хардахаар байна гэж олон нийт ярьсан. Юутай ч өнөөдрийн зургаар Баянхонгор нутгаараа тал тохой татаж, Ерөнхийлөгч Х.Баттулгын хонхорыг бараадан түүний дэглэсэн улс төрийн үзэгдлийн голлох хэсэгт “утсан хүүхэлдэй” мэт хөдөлж байгаа нь ил болчихсон биш гэж үү.       

 

 

 

Сэтгэгдэл


Irgen [139.5.219.79]3 сарын өмнө

Mongonii toloo yu ch hiih hyn gedgee notlood bna

Jijigee [150.129.142.177]3 сарын өмнө

Хөөрхийдөө хэдэн халтар төгрөгөөр бичээ байлгүйдээ хоолоо олж иднэ л гнэ шүү

Zochin [122.201.21.185]3 сарын өмнө

Bold buruu l zvg rvv nisej yavaa yum huurhii nis nus bvvr deeshee nis

зочин [66.181.184.37]3 сарын өмнө

болд гишүүнийг харлуулж бичээд чамд юу ч нэмэгдэхгүй эх орон ард түмнээ гэсэн сэтгэлтэй л хүн үүгээрээ бичэгчээс хувт илүү нь нотлогдоно

Зочин [202.179.31.95]3 сарын өмнө

шудрага дугарсанаа битгий муул. тэр хүн үнэний дуу хоолой болж байна шүү

Бахыт [202.126.89.10]3 сарын өмнө

АРДЧИЛАЛЫН АЛТАН ХАРААЦАЙ ХЭВЭЭРЭЭ БАЙГАА. ЭЛБЭГДОРЖТОЙ АДИЛХАН АРД ТУМНИЙ ЭРХ АШГААС УРВАСАН УЛС ТОРЧ БИШ.

Sanjaa [202.126.89.196]3 сарын өмнө

Bold snudaraga gisnuun snuu demjij bna mgl iin ard tumen bayar hurgei

Sanjaa [202.126.89.196]3 сарын өмнө

Bold snudaraga gisnuun snuu demjij bna mgl iin ard tumen bayar hurgei

Zochin [43.242.243.157]3 сарын өмнө

Л.БОЛД ҮҮНЭЭС ХОЙШ ХЭЗЭЭ Ч УИХ-Н ЗӨӨЛӨН СУУДАЛД СУУЖ ТУХЛАХГҮЙ БОЛСОН БАЙХАА .ОЮУН=ЭРДЭНИЙН ХЭЛСЭН ҮГИЙГ ГЭРИЙНХЭЭ ХАНА ТААЗАН ДЭЭР БИЧЭЭД 2020 ОНООС ХОЙШ ХАРААД ХЭВТЭЭД БАЙЖ ДЭЭ.

Зочин [103.212.116.158]3 сарын өмнө

энэ нѳхѳр ч их сонин хулгайч байгаа юм даа

Zochin [202.9.42.100]3 сарын өмнө

Bold bol vnenii toloo ex oronch setgeleesee ywj bga ardchlaliin lider Ene xvneer ard tvmen baxarxaj bgaa muusain luiwarchid xaraar daraad chadaxgviee

zochin [202.131.250.130]3 сарын өмнө

Hun yagaa shudragauneni tuluu yvj bolohgui. gej.zuv zuitei l ug heldegdee

Батзоригт [188.146.163.12]3 сарын өмнө

Шударга бус л бол АН, Эрдэнэ хэнтэй ч байсан тэмцэж л таараа! Шударга үнэний төлөө хэнтэй ч эвсэх л ёстой. Чи худлаа ардчилал ярьж бөгс долоохоо больсон чинь дээр. Шударга үнэн ялчих гээд сандраад байна уу? Ялна даа.

Зочин [66.181.161.30]3 сарын өмнө

Нам руугаа нулимаад явсан хүн Хүрэлсүхэд пялдагдаад хол явахгүй. МАН та хоерыг хэрэглэх үедээ хэрэглээд хаячихсан.