"Hyundai motor" компани Гуанжоугийн авто шоуны үеэр шинэ "Hyundai Celesta" автомашинаа танилцууллаа. Энэхүү автомашин нь "Hyunda elantra" автомашины дараагийн загвар "Hyundai Elantra yuedong"-д суурилсан гэдгээрээ онцлогтой. "Elantra"-ийг 2010 оноос хойш Өмнөд Солонгост үйлдвэрлэхээ больсон ч "Beijing Hyundai"-ийн хувь нийлүүлсэн хөрөнгөөр Хятадад үйлдвэрлэж эхэлсэн байна.
Тус компанийн хувьд харьцангуй хуучин загварын автомашин үйлдвэрлэдэг. Одоо ч гэсэн "Elantra III, V", "Sonata IV, V"-аас гадна хамгийн анхны "Sante Fe" автомашиныг үйлдвэрлэсэн хэвээр байгаа юм. Зах зээлд нийлүүлсэн автомашин болгон нь зарагдаж байгаа гэж хэлж болох "Hyunda"-ийн хувьд Хятадын зах зээлийн өнцөг булан бүрт нэвтрэх зорилт тавьжээ.
Түүнчлэн хэт хуучны автомашин сонирхох хүмүүсийн тоо харьцангуй бага байна. "Hyunda"-ийн зарим борлуулагч ч ийм төрлийн автомашиныг худалдан авагчдад танилцуулахаас татгалзах болжээ. Харин "Elantra III" таксины жолоочдын дунд эрэлттэй хэвээр байгаа бол "Elantra yuedong" автомашины борлуулалт сайнгүй байна. Тус загварын автомашины үнэ хямд хэдий ч худалдан авагчид овор багатай "Hyundai verna"-ийг илүү сонирхож байгаа аж.
Н.Номин-Эрдэнэ