Монгол улс төмөр замаа барина гэж яриад бараг 10 жил боллоо. Энэ хугацаанд өргөн нарийн гэсэн хэрүүл хийсэн болохоос нэг км төмөр замын өртөг хэд байдаг тухай бараг л хөндөөгүй. Үнэтэй төмөр зам барихад ямар шаардлага тулгардаг. Хямдхан нь хэдэн төгрөгөөр босох боломжтой талаарх яриа ч бүдэг. Ер нь бол 1 км авто замыг барих зардлаас хэдэн арав дахин үнэтэй л гэх тойм тоог Төмөр замын салбарынхан хэлдэг. УИХ-ын чуулганаар төмөр замын асуудал хэлэлцэгдэж байгаа энэ үед А.Сүхбат гишүүн 1 км төмөр замын өртөгийг сонирхлоо. Говь, хангайд тавихаас шалтгаалж төмөр замын өртөг 1 км нь 3,2-4,2 сая ам долларт багтаж байгааг Зам тээврийн хөгжлийн сайд Ганбат танилцууллаа.