Монголын ZEUS ESPORTS баг оролцож буй PUBG Mobile-ын дэлхийн аварга шалгаруулах тэмцээний гурав дахь өдрийн тоглолтууд өнгөрсөн шөнө боллоо.
Дэлхийн шилдэг 16 багийн ширүүхэн өрсөлдөөний гурав дахь өдрийн нийт оноогоор ZEUS ESPORTS баг хоёрдугаарт бичигдэж байгаа бөгөөд хамгийн их KILL , DAMAGE хийсэн багаар нэрлэгдэж байна.
Мөн багийн тоглогч zeusZYOL /Б.Золбоот/ шилдэг тоглогчийн жагсаалтын гуравдугаарт эрэмбэлэгдэж байгаа юм. Дэлхийн аварга шалгаруулах тэмцээний сүүлийн өдрийн найман тоглолт өнөөдөр 18:25 цагаас болох ба тэмцээнийг JigJug Монгол тайлбартайгаар хүргэж байна.
Нийт оноогоор ZEUS ESPORTS-ын дээр бичигдэж буй "4 Angry Men" баг нь дэлхйин аваргад орж буй хамгийн өндөр чансаатай баг юм.
1.3 сая ам.доллар(3.7 тэрбум төгрөг)-ын шагналын сантай "PUBG Mobile Global Championship S0" нь энэ сарын 21-24-ны хооронд АНЭУ-ын Дубай хотод байрлах 17 мянган хүний суудалтай Coca-Cola цэнгэлдэх хүрээлэнд болж байгаа юм.
