"Өндрөөс унаж амиа алдсан эмэгтэй гэр бүлийн маргаантай байсан эсэхийг шалгаж байна"

БЗД-ийн 26-р хороонд байрлах "Элизабет" хотхоны байрнаас хүн унаж амиа алдсан хэргийн талаар Цагдаагийн ерөнхий газрын Хэвлэл, мэдээллийн төвийн дарга, дэд хурандаа Б.Баатархүү мэдээлэл өглөө.

Тэрбээр "Өнөөдөр 12.30 цагийн үед цагдаагийн байгууллагад БЗД-ийн 26-р хороонд байрлах "Элизабет" хотхон 214 байранд өндрөөс хүн унаж, нас барлаа гэсэн мэдээлэл ирсэн. Амь хохирогч тус байранд амьдардаг 39 настай С гэх эмэгтэй байсан. Гэр бүлийн маргаантай байсан гэдэг асуудал байсан гэх мэдээллийг шалгаж байна. Мөн үүнтэй холбогдуулан талийгаачийн нөхөр болох 39 настай Б-г саатуулан мөрдөн шалгах ажиллагаа  явагдаж байна. БЗД-ийн 26-р хорооны тухайд тухайн дүүргийн цагдаагийн газар хамгаалалтын үүрэг гүйцэтгэж байгаа. Цар тахлын аюулын түвшин улбар шар түвшинд хүрсэн энэ үед иргэд анхаарал болгоомжтой байх хэрэгтэй. Энэ үед олноороо цуглаж жагсаал цуглаан хийх нь өөрөө маш эрсдэлтэй юм" гэж хэллээ.