Барилга, хот байгуулалтын яамнаас Үндэсний статистикийн хороо болон Барилгын хөгжлийн төв /ТӨААТҮГ/-тэй хамтран салбарын тусгай зөвшөөрөлтэй аж ахуйн нэгж, байгууллагуудад үйл ажиллагааны тайлан, мэдээ ирүүлэх талаар мэдээлэл, зөвлөгөө өгөх, тайлан, мэдээ ирүүлэх албан хаагчдыг чадавхжуулах сургалтыг үе шаттай зохион байгуулан ажиллаж байна.
Сургалтын хүрээнд барилгын нэгдсэн мэдээллийн цахим системээр дамжуулан "Салбарын бүртгэл, мэдээллийн маягт, нөхөх заавар”-ын дагуу үйл ажиллагааны тайлан, мэдээ ирүүлэх аж ахуйн нэгж, байгууллагуудын албан хаагчдад зориулсан сургалтыг 2022 оны 04 дүгээр сарын 01-нээс 04 дүгээр сарын 25-ны өдрүүдэд цахим хэлбэрээр зохион байгуулна.
Салбарын тусгай зөвшөөрөлтэй аж ахуйн нэгж, байгууллагуудыг доор заасан хуваарь, төлөвлөгөөний дагуу сургалтад оролцохыг урьж байна.
