.jpg)
Ерөнхиийлөгч асан Х.Баттулгыг Хөгжлийн банкны зээлтэй холбоотойгоор АТГ-аас шалгаж, улмаар өнгөрсөн долоо хоногт Монголын ардчилсан холбоо /МоАХ/-ны байранд үзлэг, нэгжлэг хийсэн талаар эх сурвалж мэдээллээ.
Тэгвэл Х.Баттулга нь Хөгжлийн банктай дараах хоёр асуудлаар нэр холбогддог юм. Нэгдүгээрт, түүний зөвлөхөөр ажиллаж байсан Ц.Ууганбаярын “Нью яармаг хаусинг прожект” ХХК нь “Төрийн орон сууцны корпораци” ТӨХК-ны хамтаар "Шинэ яармаг" орон сууцны хороолол барих төслийг хэрэгжүүлэхээр 2015 оны тавдугаар сард Хөгжлийн банкнаас 142.4 тэрбум зээл авсан байдаг. Гэсэн ч зээлийн нийт үлдэгдэл нь 117.9 тэрбум төгрөг болж, шүүхийн хаалга татаад буй. Хоёрдугаарт, “Пирамид-Орд” ХХК нь 2018 оны 6 дугаар сард “Буман залуус 296 айлын орон сууц” барина хэмээн Хөгжлийн банкнаас 15 тэрбум төгрөгийн зээл авсан байдаг. Харин зээлийнхээ барьцаанд Хан-Уул дүүргийн 10 дугаар хороонд байрлах МоАХ-ны нэр дээр бүртгэлтэй 9 мянга гаруй м.кв газрыг тавьсан байдаг юм.