Сэлэнгэ аймгийн Шаамар сумын Дулаанхан багийн нутаг аймгийн төвөөс зүүн урд зүгт 24 км, сумын төвөөс баруун урд зүгт 27 км-т Шаамар гурав хэмээх газарт “Вольво” загварын ачааны автомашин замын хажуу руу унасан тухай дуудлагыг аравдугаар сарын 3-ны өдрийн 17:26 цагт хүлээн авчээ.

Тус аймгийн Онцгой байдлын газрын Эрэн хайх, аврах анги, Гал түймэр унтраах, аврах 36 дугаар ангийн алба хаагчид 24 км зам туулан 17:52 цагт очсон байна.

ОХУ-аас Монгол Улсын Орхон аймгийн чиглэлд 26 тн замын хар тос тээвэрлэж явсан “Вольво” загварын ачааны автомашин замын хажуу руу унаж, ОХУ-ын иргэн жолооч автомашины эд ангид хавчуулагдаж нас барсан байсныг 10 минут ажиллан цогцсыг гаргаж, аймгийн Цагдаагийн газрын эрүүгийн тасгийн мөрдөгчид шилжүүлсэн хэмээн ОБЕГ-аас мэдээлэв.