Уул уурхай хүнд үйлдвэрийн дэд сайд О.Батнайрамдал Ерөнхий сайдын хүсэлтийг хүлээн авав. Түүний хувьд бэлэгдлийн чанартай дэд сайдын суудлаас татгалзахаар болжээ. Харин үүний оронд МАН-ын нарийн бичгийн дарга болохыг илүүд үзсэн байна.
Сая болсон МАН-ын бага хурлын шийдвэрээр МАН-ын нарийн бичгийн дарга нарыг томилсон билээ. О.Батнайрамдал нь МАН-ын дарга Л.Оюун-Эрдэнийн квотоор намын нарийн бичгийн дарга болж байна. Үүнээс харвал тэр дараагийн сонгуульд УИХ-д нэр дэвших эрхээ өвөртөлж байна гэсэн үг ээ.
Сонгууль хүртэл намын нарийн бичгийн даргаар ажиллах бөгөөд цаашид нэр дэвших нь гэсэн яриа МАН-ын тусгаар тогтнолын ордонд яригдаад эхэлжээ.