ШУТИС-ийн бүрэлдэхүүн сургуулиуд гуравдугаар сарын 27-ны өдрөөс эхлэн Элсэлтийн ерөнхий шалгалтад бэлтгэхэд зориулж Математик, Физик, Хими, Нийгмийн тухай мэдлэг, Англи хэл, Хар зургийн хичээлүүдээр цахим сургалт зохион байгуулж эхлээд байна.
ЭЕШ-д бэлтгэгчдэд шаардагдах дээрх хичээлүүдийн мэдлэгийг хүртээмжтэй олгох, шалгалт өгөхөд анхаарах зүйлсийн талаар мэргэжлийн багш нарын зөвлөмжийг сурагчдад хүргэх, мэргэжил сонголтод дэмжлэг үзүүлэх зорилгоор тавдугаар сарын 12-ныг хүртэл “Zoom” программ ашиглан зохион байгуулах юм.
Сургалтад ерөнхий боловсролын сургуулийн 10-12 дугаар ангийн сурагчид хамрагдах боломжтой.
Зураг дээрх QR кодыг уншуулан сургалтын хуваарьтай танилцаарай.
Бэлтгэсэн: Б.Азжаргал
