Тавантолгой-Гашуунсухайт чиглэлийн төмөр замын төслийн хүрээнд нийлүүлэгдэх 811 вагоныг хүлээн авч дууслаа

Тавантолгой-Гашуунсухайт чиглэлийн төмөр замын цогцолбор төслийн хүрээнд нийлүүлэгдэх 811 вагоныг Монгол Улсын хилээр бүрэн хүлээн авч дууслаа.

ОХУ-ын Тихвины вагоны үйлдвэрт үйлдвэрлэсэн тус инновацын вагонууд нь:

- Засвар хоорондын хугацаа 8 жил буюу 1 сая километр,

- Хамгийн сүүлийн үеийн технологиор хийгдсэн хос дугуйн холхивч,

- Ашиглалтын хугацаа 32 жил.

- Тоормосын 2 цилиндртэй буюу хоёрлосон тоормостой учир галт тэрэгний хөдөлгөөний найдвартай байдлыг нэмэгдүүлжээ. 

Инновацын вагонууд нь засварын давтамж болон тээврийн зардлыг бууруулаад зогсохгүй Монгол Улсын төмөр замын тээврийн салбарт ашигласнаар уул уурхайн бүтээгдэхүүний экспорт, валютын урсгалыг нэмэгдүүлэхэд өндөр ач холбогдолтой гэж Тавантолгой төмөр зам ХХК-иас мэдээллээ.