Дархан-Уул аймгийн Нэгдсэн эмнэлгийн Эмгэг нярайн тасагт өчигдөр "Төрөлхийн нарийн гэдэсний битүүрэлтэй” төрсөн нярайд мэс засал хийжээ.
Мэс заслыг ЭХЭМҮТ-ийн Хүүхдийн мэс заслын багийхан болон Нэгдсэн эмнэлгийн хүүхдийн мэс заслын эмч Б.Ариунболд, Н.Давааням, хагалгааны сувилагч н.Бямбадорж нарын бүрэлдэхүүнтэй баг хамт олон хийсэн байна.
Нярай нь эхийн хэвлийд буюу ураг байхдаа оношлогдсон бөгөөд ЭХЭМҮТ-ийн эмч нарын багтай холбогдон нярайн мэс заслын тусламж үйлчилгээг орон нутагт үзүүлжээ.
Нярай хагалгааны дараах эрчимт эмчилгээний тасагт эмчлэгдэж байна.
